"Tambre" (Contén)

Mostrando 3 resultados de 3.

  • Tambre
    Escoitar

    RIOS

    Río da vertente atlántica. Nace a 500 m de altitude na parroquia da Porta, no concello de Sobrado, da confluencia de varios regos que drenan os montes do Bocelo, entre eles o Rodelo, que forma a lagoa de Sobrado. O seu curso adopta unha dirección básica L-O, que se adapta ás fracturas tectónicas que atopa ao seu paso, e coa que drena os concellos de Sobrado, Vilasantar, Mesía, Boimorto, Frades, Arzúa, Oroso, O Pino, Santiago de Compostela e Trazo. A partir do límite entre estes dous últimos concellos a súa dirección vira definitivamente cara ao SO. Atravesa entón os concellos de Val do Dubra, Ames, A Baña, Brión e Negreira, servindo de límite municipal entre eles, como xa fixera nalgúns casos no seu curso alto. O encoro Barrié de la Maza represa o seu caudal ao longo de 14 km. A partir de aquí, o seu curso, que nos seus primeiros 30 km se dirixía cunha suave pendente, continúa o seu percorrido polo límite entre Negreira, Outes e Noia cunha pendente máis acusada. Desemboca na ría de Muros...

    VER O DETALLE DO TERMO
  • Tambre, Editorial
    Escoitar

    Empresa editorial fundada en 1980 en Santiago de Compostela e pertencente ao grupo Edelvives. Dirixida por Antonio Martínez Fernández, José Luis Llana Gutiérrez e Isabelino Reine Carrasco, ten máis de douscentos libros publicados. Céntrase fundamentalmente na edición de literatura infantil e xuvenil, libros e manuais de texto para primaria, secundaria e bacharelato, e produtos multimedia. Divide a súa produción editorial nas coleccións: “Ala Delta”, “Catavento”, “Álbum de cores”, “Podo ler... inglés”, “A Casiña”, “Os libros grandes da ratiña pequena”, “Cadernos”, “Ler e colorear” e “Coloreo”.

    VER O DETALLE DO TERMO
  • Tambre, El
    Escoitar

    Xornal publicado en Noia a partir do 3 de decembro de 1879. Cesou o 9 de xullo de 1881. Subtitulado “Periódico bisemanal de intereses generales, noticias y anuncios” editouse nos obradoiros de Xosé Rodríguez Ruibal, que chegou a ser o seu propietario. Antes foi propiedade de Ramón Lira e estivo dirixido por Andrés Rey. Incluíu sucesos, notas de sociedade, poesías e folletín. Foi rival doutro xornal local, El Zumbido.

    VER O DETALLE DO TERMO