"Varsovia" (Contén)

Escola lóxica, con sede en Varsovia e Lwow, desenvolvida sobre todo entre a Primeira e a Segunda Guerra Mundial. Caracterizouse polo estudo da lóxica moderna marcado por unha tendencia dedutivista extrema e unha inclinación ao positivismo lóxico ou ao empirismo científico. O inciador foi Kazimierz Teardowski (1866-1938) e destacaron, entre outros, Jan èukasiewicz (1878-1956) e Alfred Tarsk (1901-1983).

Estado independente formado polos territorios polacos subtraídos á administración prusiana no Tratado de Tilsit (1807). Napoleón confioulle o seu goberno a Federico Augusto I de Saxonia e o mando do exército ao príncipe J. Poniatowski. Promulgouse unha constitución inspirada na francesa e suprimiuse a servidume do campesiñado, aínda que non se lles recoñeceron dereitos sobre as terras que traballaban. O Congreso de Viena (1814-1815) dividiu o territorio entre Prusia e Rusia, agás Cracovia, erixida república independente.

Alianza militar suscrita en Varsovia o 14 de maio de 1955 pola URSS, Albania, Bulgaria, Hungría, Polonia, a República Democrática Alemá, Checoslovaquia e Romanía. O seu nome oficial era Tratado de Amizade, Colaboración e Asistencia Mutua. Supeditado aos intereses da URSS, foi a resposta do bloque comunista á creación da OTAN e tiña como obxectivo principal a defensa mutua en caso de ser atacado. Contaba co Comité Político Consultivo, formado polos ministros de Exteriores dos países membros, e co Mando Supremo Militar, encabezado por un mariscal soviético. Albania separouse en 1968 a raíz da invasión de Checoslovaquia. A disolución do réxime comunista levou á súa disolución formal o 1 de xullo de 1991 en Praga.