"Verona" (Contén)

PERSOEIRO

Arquitecto e humanista. Coñecido como Fra Giocondo, traballou en Nápoles, Verona, onde realizou a restauración da ponte da Pietra, e en París na escaleira exterior do Palais de la Cité. Foi nomeado arquitecto de San Pedro do Vaticano con Raffaello Sanzio e Giuliano da Sangallo. Publicou a primeira edición de Vitrubio e traduciu as Cartas de Plinio.

PERSOEIRO

Pintor e miniaturista italiano. Realizou as miniaturas do convento de Monteoliveto Maggiore (1467-1469) e da catedral de Siena (1470-1474), así como a decoración da capela Bonaversi en Sant’Anastasia, Verona.

CAPITAIS

Capital da provincia homónima, en Véneto, Italia (243.474 h [2001]). Está situada á beira de Adige, ao pé de Lessini. A cidade, que conserva o aspecto medieval, desenvolveuse como un centro de comercialización e de transformación dos produtos agrícolas. Poboación de orixe celta, foi colonia romana (89 a C). Capital do reino ostrogodo de Teodorico II, estivo ocupada polos lombardos (568) e polos francos (774). Loitou contra Federico I Barbarrubia a través da Liga Veronesa aínda que, con todo, predominaron os xibelinos. Señoreada polos Della Scala (1260-1387) e polos Visconti de Milán (1387-1404), pasou ao dominio de Venecia (ss XVI-XVIII). Cedida a Austria polo Tratado de Campoformio (1797), formou parte do Reino de Italia (1805) e retornou a Austria en 1814. Integrouse definitivamente no Reino de Italia en 1866. Do seu patrimonio cultural destacan o anfiteatro, o teatro e parte das murallas romanas, a igrexa románica de San Zeno, a catedral, a ponte Scaligero, os palacios de Canosa,...