ciclóstomo -ma

Relativo ou pertencente aos ciclóstomos.

Vertebrado do grupo dos ciclóstomos.

Clase de vertebrados, da superclase dos agnatos, que comprende os seus membros máis antigos. Agrupa animais que conservan o notocordio durante toda a vida, desprovistos de mandíbulas e portadores só de aletas impares. O grupo inclúe numerosas formas fósiles que teñen a súa máxima expansión no Silúrico Superior e no Devónico Inferior. Os ciclóstomos actuais represéntanse por dúas formas parasitas, as lampreas e os mixinos.