clorofluorocarbono

Composto formado por cloro, flúor e carbono. Hainos de diversos tipos, empregados en aerosois, neveiras, aparatos de aire acondicionado, etc. Estes gases son totalmente inertes na atmosfera, pero, por mor da súa menor densidade, ascenden ata a estratosfera e entran en contacto coa capa de ozono. Baixo a acción da luz ultravioleta, os CFC descompóñense liberando un átomo de cloro que se oxida formando un radical clorado (ClO), capaz de romper a molécula de ozono. Debido á súa acción degradante da capa de ozono, os países industrializados chegaron a un acordo o 1 de xaneiro de 1996 para eliminar totalmente o seu uso.