Colón, Bertomeu

Cartógrafo e navegante, irmán de Cristovo Colón. Cóidase que participou na expedición de Bartolomeu Dias en 1486. Colaborou co seu irmán na empresa descubridora cunha flota auxiliar ao mando da Española en 1494. Un ano máis tarde foi nomeado primeiro adelantado das Indias. Fundou a cidade de Santo Domingo en 1496, e exerceu o cargo de gobernador durante as ausencias de Cristovo Colón. No ano 1500 foi apresado e enviado á Península Ibérica porque se negou a recoñecer a autoridade de Bobadilla.

Cronoloxía