comerciante

Que ou quen, dunha maneira profesional, se dedica á actividade comercial. Para o código de comercio español son comerciantes os que, con capacidade legal para exercer o comercio, se dedican habitualmente a el, e anuncian publicamente o establecemento no que realizan esta actividade. Tamén son comerciantes as compañías mercantís ou individuais que se constitúen con arreglo ao código de comercio. A constitución como comerciante determínase en función dos fins da sociedade. Non poden exercer o comercio, ademais dos incapacitados, os sentenciados apenas de interdición civil, os que están na bancarrota, os eclesiásticos, os maxistrados, os xuíces e os funcionarios do ministerio fiscal, os xefes gobernativos económicos ou militares, os empregados de recadación e administración de fondos estatais e os axentes de cambio e bolsa.