Compañel, Xoán

Editor e impresor, fillo do impresor Francisco Luís Compañel. Trala morte de seu pai pasou a ocuparse da empresa familiar baixo o pé de Viuda e Hijos de Compañel. Entre 1852 e 1856 deixou a imprenta familiar e trasladouse a Vigo, onde comezou a publicación do periódico La Oliva xunto con Uxío Carré Aldao e Manuel Murguía. En abril de 1857 o goberno suspendeu a edición desta publicación que tomou o nome de El Miño para volver á súa primeira denominación en 1868. Entre as obras publicadas pola súa imprenta destacan La primera luz. Libro de lectura para uso de las Escuelas de primeras letras de Galicia en 27 lecciones escrito por M... (1852?), Desde el cielo (1856), Mi madre Antonia. 1ª parte del libro de un loco (1856) ou o Dicionario de Escritores Gallegos, que se comezou a publicar por entregas no ano 1862, todas elas de Manuel Murguía; Tratado de Química Analítica (1858), de Juan Rodríguez Bustillo; Ligeras indicaciones sobre la enfermedad de la vid llamada Oidium tukeri (1858), de M.P.R; o folletín Amante y Verdugo (1858), de Antonio de San Martín; Dios salve a Galicia! (1862), de José Fernández de Prado; La olla del diablo (1864), de Ramón Segade Campoamor; Observaciones sobre la abolición de la esclavitud y acontecimientos en América (1864), de Joaquín Fernández de la Granja; Cartilla métrica y monetaria (1868), de Valentín Graña e Orje; e as obras de Rosalía de Castro La hija del mar (1859), A mi madre (1863) e a primeira edición de Cantares Gallegos (1863).

Cronoloxía