Con Acento

Programa radiofónico emitido na mañá dos sábados por Radio Cadena Española dende Barcelona. Ideado por García Cortizas, encargábanse do seu patrocinio os restaurantes galegos da cidade condal. Agustín Rodríguez, locutor e presentador, contaba coa colaboración dende Galicia de Antonio Luaces, e dende Barcelona, con Xesús Vázquez, Olegario Sotelo Blanco e outros membros da colectividade galega.