CONCAPAG

Revista que editou o Instituto de Ciencias Humanas y Sociales en Santiago de Compostela en 1990. Subtitulada “Revista de los padres” e de tendencia conservadora, informaba sobre o sistema de educación e trataba temas relacionados coa xornada escolar, a universidade privada, a psicopedagoxía e a formación profesional. O consello de redacción estaba integrado por Agustín Dosil Maceira, Manuel Deaño Deaño, Luís Ríos Tallón, Eva Mª Vázquez e José Rojo Salgado. Sacou os números extraordinarios “Todo sobre la LOGSE” (1990) e “La orientación educativa” (1991). Analizaba os problemas da docencia dende o punto de vista da relixión e incluía temas de actualidade como o uso do preservativo ou a SIDA.