constancia

1. s f

   Calidade de constante.

   Ex: Deberiamos estudar con constancia para aprobar todo o curso antes do verán.

   Sinónimos: persistencia, pertinacia, perseveranza, tenacidade, firmeza. Antónimos: inconstancia. Confrontacións: tesón.
2. s f

   Acción e efecto de facer constar algunha cousa.

   Ex: Non existe constancia do acordo asinado o ano pasado.

3. constancia perceptiva [PSIC]

   Segundo a psicoloxía da forma, tendencia da percepción a non variar, malia as modificacións do obxecto.

4. lei de constancia da simetría [FÍS]

   Lei descuberta por N. Steno en 1669 e confirmada despois por Romé de l’Isle. Establece que o ángulo entre dúas caras dun obxecto cristalino é constante e non cambia cando este medra por achegas dunha nova substancia. Historicamente, foi o punto de partida da cristalografía moderna.

Refráns

• A peneda é dura e a auga é miuda mais, caín do caíndo, fai cavadura.
• A que fía cada día un ovo de galiña, non pedirá camisa á veciña.
• Algo alcanza aquel que non cansa.
• Andando, andando, vaise a lonxe / vaise chegando.
• Auga branda en pedra dura tanto dá, que fai cavadura.
• Auga mol en pedra dura, pouquichiño a pouco fura.
• Camiña vagariño e andarás moito camiño.
• Dos moitos poucos fanse os poucos moitos.
• Non hai pan sen afán.
• O que non cae á maza, cae á espadela.
• Pouco a pouco vaise a lonxe.
• Pouquiño a pouco chégase a todo.