consular

Sistema oficial de datación dos documentos, cartas ou inscricións, empregado polos romanos e baseado no principio de que os cónsules, como cabezas visibles do Estado, lle daban o seu nome ao ano. Así a expresión Pompeio et Appuleio consulibus equivale ao ‘ano 14 d C’.

Lista dos cónsules romanos onde constaban os seus nomes por orde cronolóxica. Modernamente, establecíanse con precisión e reducíanse aos anos da era cristiá para facilitar o seu uso.