contraforte

Peza de coiro que reforza o interior do calzado, principalmente na parte do calcañar.

Elemento material ou inmaterial que serve como reforzo doutro.

Construción ao xeito do machón ou do piar que, acaroada ou imbuída no muro, serve de reforzo para contrarrestar o empuxe das bóvedas ou dos arcos. Apareceu na arquitectura románica ao substituírse as cubertas de madeira por arcos e bóvedas. Durante os períodos gótico e renacentista adoptou a forma de columnas, moi influído polos estilos grecorromanos. Ás veces remata en pináculos.

Ramificación secundaria dunha montaña ou outeiro, de escaso desenvolvemento, situada a ambos os lados dunha cordilleira.