contraposición

1. s f

   Acción e efecto de contrapoñer ou contrapoñerse.

   Ex: Existe unha clara contraposición entre as ideas propostas polos dous candidatos.

   Sinónimos: comparación, confrontación.
2. s f

   Relación entre cousas contrapostas.

   Ex: A contraposición de ideais é unha práctica habitual en democracia.

   Confrontacións: contraste, diverxencia, oposición.
3. s f [FILOS]

   Procedemento indirecto para efectuar a conversión dunha proposición particular negativa. Un exemplo sería: Algúns animais non son capaces de voar; algúns animais son incapaces de voar; logo algúns seres incapaces de voar son animais.

4. s f [PINT]

   Oposición de tons de cor para conseguir unha diferenciación entre as figuras, os planos ou outros elementos compositivos dunha representación pitórica. Empregouse moito na pintura dos ss XVII e XVIII.

5. [HERÁLD]
   1. s f

      Nunha representación heráldica, alteración dalgunha das características dunha peza, escudo ou figura, respecto das consideradas como simples ou primitivas, coa finalidade de crear cos elementos resultantes unha determinada oposición.

   2. contraposición de medias figuras

      Nunha partición dun campo, oposición obtida colocando cada unha das metades dunha figura desprazadas tanxencialmente respecto da liña do partido, o cortado, o trinchado ou o truncado, unha nunha partición e a outra na oposta (contrapartido, contracortado, contratrinchado e contratruncado).

   3. contraposición por desprazamento

      Oposición que resulta de desprazar lonxitudinalmente un dos dous perfís dunha peza. A finalidade é que resulten simetricamente opostos, se orixinariamente eran asimétricos (contraentado, contrafloronado, contraamosegado, contranubrado, contraondeado e contrapotenzado), ou viceversa (contraacanalado, contrabretesado, contraengrelado e contrademoucado).

   4. contraposición por desprazamento de esmaltes

      Nos forros heráldicos potenzados veiro e veirado, oposición das potenzas de igual esmalte ou das pezas de veiro, respectivamente, dúas a dúas, polas súas bases (contrapotenzado e contraveirado).

   5. contraposición por inversión

      Oposición que resulta de invertir a colocación de esmaltes (contraarmiños), de elementos (contraflordelisada, contrapalmado) ou do sentido de paso (contrapasante).

   6. contraposición por iteración

      Operación que resulta de duplicar o cuarteado dun campo nun ou en máis dos seus cuarteis (contracuarteado) ou de duplicar o reberetado dunha peza e, xeralmente, alternando os esmaltes (contrarreberetado).

   7. contraposición por oposición de esmaltes

      Nun escudo de faixas ou paos, con bordo componado ou escacado, oposición dos seus esmaltes cos contidos do bordo respectivos (contracomponado e contraescaqueado ou contraaxadrezado). Pódese dividir unha peza en dúas metades, unha de metal e a outra de cor (contrabanda, contrabarra, contrabarriña, contrabastón, contracinta, contracotiza, contrafaixa, contralista, contrapao, contraverxa, contrachevrón e contrachevronado), ou ben cubrir un campo, dunha peza ou dunha figura con algunha das contraposicións do grupo anterior (contrabandado, contrabarrado, contracintado, contracotizado, contrafaixado, contralistado, contrapaoado, contraverxado e contracabriado). Pódese dividir tamén, pola metade, os escudos abrazado, calzado e capado, alternando os compartimentos resultantes (contrabrazado, contracalzado e contracapado).

Refráns

• Cando a carballeira zoa, ao pe do lume sabe ben a boroa.