controlador -ra

Persoa que controla algunha cousa ou a alguén.

Persoa que segue e organiza o tránsito aéreo co fin de evitar colisións, especialmente preto dos aeroportos.

Dispositivo electrónico de hardware ou programa que permite controlar o correcto funcionamento das diferentes partes dun ordenador. Hai un controlador para cada función, constituído por un circuíto integrado típico; os básicos son o controlador de vídeo (ou de pantalla), o do disco duro, o da unidade CD-ROM e o controlador de disquetes.

Conxunto de circuítos integrados nun chip ou tarxeta que organiza a lectura e escritura das unidades de disco dun ordenador. Encárgase de situar o cabezal de lectura/escritura, serve como intermediario entre a unidade e o microprocesador e controla o intercambio de comunicación coa memoria.

Programa ou arquivo de configuración que amplía o sistema operativo co fin de soportar un dispositivo específico, como unha unidade de disco ou de cinta ou unha pantalla gráfica especial.

Programa que permite que outros programas se empreguen cunha impresora determinada, sen ter en conta as especificacións do hardware nin a linguaxe interna da impresora (software).

Conxunto de compoñentes electrónicos que se requiren para xerar un sinal de vídeo que se transmite a unha pantalla a través dun cable. Coñécese tamén como adaptador de vídeo.

Controlador de dispositivo que se executa en modo real baixo un sistema operativo en modo protexido.