Cornelia

Patricia romana, filla menor de Publio Cornelio Escipión o Africano e nai dos Gracos. Casou con Tiberio Sempronio Graco e adoptou as ideas democráticas do seu marido. Coñecía a literatura grega. Ao quedar viúva rexeitou a man de Ptolomeo Fiscon, rei de Exipto. Educou os seus fillos Tiberio e Caio Graco e a súa filla Sempronia para convertelos en xefes da plebe. Despois do asasinato dos seus fillos varóns pola súa actividade política (121 a C), retirouse a Misenum e cultivou as letras.