Correspondencia de Galicia, La

Xornal que apareceu na Coruña o 1 de xuño de 1867 baixo o subtítulo de “Diario de noticias, intereses materiales y anuncios”. Dirixiu a publicación Xosé María Montes e figuraba como redactor Froilán de Salazar. Impresa nos obradoiros tipográficos de Eusebio Cascante, incluíu artigos sobre historia, viaxes e literatura, á parte de información xeral sobre noticias nacionais e estranxeiras.