Coruña, La

Publicación que apareceu na Coruña o 21 de novembro de 1991 baixo a dirección de José Luis Sánchez-Izquierdo. Este xornal, de difusión gratuíta, subtitulouse “La gaceta local en casa”. Entre os seus colaboradores figuran Hernando Álvarez, Tomás Verdugo Cortés e Carlos Ilian. Os seus contidos, á parte das novas de carácter local, abranguían diferentes ámbitos, como a música, o cine, o motor, a fotografía, a cociña e a televisión.