Cotton Club

Club de Nova York situado en Harlem, no número 644 da Avenida Lennox. Berce do primeiro jazz de Manhattan, fíxose famoso durante a Lei Seca dos anos vinte. En 1925 pechou por infrinxir as normas sobre as bebidas alcólicas. Abriu de novo pouco despois, e en 1936 trasladouse á esquina entre Broadway e a rúa 48. Pechou definitivamente o 10 de xuño de 1940. No seu escenario actuaron destacados artistas como Louis Armstrong ou Duke Ellington.