Couto, pazo do

Construción nobre situada en San Paio de Abeleda (Castro Caldelas). Fundada por Xoán de Seoane no s XII, reconstruíuse en 1825. Ten planta rectangular con dúas alturas, solaina e torre de tres alturas, xunto a ela está a capela que conserva un retablo barroco. No xardín hai diversas construcións adxectivas. Na fachada principal destacan os brasóns dos Sampaio, Lemos, Bermúdez, Enríquez, Sarmiento, Losada e Quiroga.