Craiova

Capital do jude ṭ de Dolj, Romanía, situada na marxe dereita do río Jiu (314.920 h [estim 1999]). É unha rica zona agrícola que produce principalmente cereais e hortalizas, ademais de ser o centro comercial máis importante ao O de Bucarest. As principais industrias son as mecánicas, as téxtiles e as de fertilizantes. Tamén destaca polo seu carácter administrativo e cultural. A antigüidade do seu poboamento remóntase ás épocas grega e romana. Entre os ss XV e XVIII foi residencia dos gobernadores militares. Do seu patrimonio cultural cómpre salientar a igrexa de san Dumitru e os mosteiros de Cosuna e Jitianu.