Crookes, William

Físico e químico. Estudiou no Royal College of Chemistry. En 1854 acadou o posto de inspector no departamento de meteoroloxía do observatorio de Radcliffe (Oxford) e en 1855 obtivo a cátedra de Química na Universidade de Chester. Trasladouse ao ano seguinte a Londres. Fundou e dirixiu o Chemical News (1859-1906) e o Quaterly Journal of Science. En 1861 descubriu e illou por primeira vez o talio e estudiou as súas propiedades. Construíu o radiómetro (1875) e inventou o tubo electrónico que leva o seu nome. Descubriu os raios catódicos, investigou o espectro do helio e deseñou un detector de partículas radioactivas, o espintariscopio (1903). Escribiu diversas memorias, nas que expuña as súas investigacións, e Select Methods in Chemical Analysis (Métodos selectos na análise química, 1871).

Cronoloxía