cullereiro -ra

Ave acuática da familia dos tresquiornítidos, coas patas e o pescozo longos, e co peteiro grande de extremo ancho e aplanado. Aliméntanse de pequenos peixes, larvas de anfibios e invertebrados, que localizan ao remexer na lama co peteiro lixeiramente aberto. Voan de xeito lento coas patas e co pescozo estirado, e crían en plataformas pouco densas sobre árbores.

Ave de 90 cm de lonxitude, de plumaxe de cor branca, e peteiro de cor negra co extremo amarelo. Distribúese por Eurasia e o N de África, e inverna na India e no sueste de Asia e África. En Europa aniña en Holanda, na Península Balcánica e na Península Ibérica, onde só cría nas marismas do Guadalquivir. En Galicia inverna, en pequeno número, na enseada do Grove.

Ave de 80 cm de lonxitude, de cabeza de cor verdosa sen plumas, e plumaxe de cor rosada no resto do corpo. Está presente dende o S de Norteamérica ata o centro de Arxentina.