cumprido -da
cumprido -da
(< cumprir)
-
p reg
de cumprir ou cumprirse.
Ex: As promesas cumpridas dan descanso anímico. O Brais xa ten cinco anos cumpridos. Os figos xa van cumpridos. O saco está ben cumprido de patacas.
-
adx
Que pon moito coidado en ser cortés e educado.
Ex: Éche moi cumprido e agradable, dá gusto estar na súa compaña.
-
adx
Que é grande en duración, extensión ou dimensión.
Ex: O traxe da voda éralle ben cumprido. Os días de verán son máis cumpridos ca os de inverno. Non é un rañicas, as súas esmolas son moi cumpridas. As prédicas de seu pai adoitan ser cumpridas de máis.