Dacia

Rexión de Europa oriental que tomou o seu nome do pobo dos dacios, que habitaron estes territorios e se unificaron nun reino a mediados do s I, baixo o goberno de Burebista. O Emperador Traxano derrotounos e conquistou o seu reino, que se converteu nunha provincia romana (107). O Emperador Adriano dividiu a Dacia en Superior (Transilvania) e Inferior (Valaquia), e o Emperador Antonino Pío estableceu tres distritos sobre ese territorio no 159. O Emperador Aureliano abandonouna aos godos no 270. A orixinaria provincia romana correspóndese aproximadamente coa moderna Romanía.