Dactylis

Xénero de herbáceas perennes, da familia das poáceas, de ata 100 cm de altura, que presenta panícula laxa e única formada por espiguiñas de dúas flores, con glumas curtas -que lles permiten ás flores ser visibles-, glumelas sen aresta e lígula membranosa. En Galicia están presentes: D. glomerata, en lameiros, terras cultivadas ou incultas, e D. maritima, nos sistemas dunares.