Damián

Antropónimo masculino derivado do latín Damianus, de orixe discutida. Pode proceder de Damia, nome de Bona Dea, deusa romana da fecundidade e da prosperidade, ou de Damía, deusa oriental, aínda que tamén podería presentar a mesma orixe ca Dámaso e, daquela, viría de δάμαστος ‘domador’, e esta do verbo δαμάζω   ‘domar, amansar’. Damián e Cosme (ss III-IV) son santos mártires (303) baixo Diocleciano. A festividade de san Damián celébrase o 26 de setembro (antigamente o 27 de setembro).