David, Gérard

Pintor flamengo. Formouse en Haarlem no círculo de Dirk Bouts e na súa primeira época recibiu a influencia dos pintores holandeses e flamengos na liña dos Van Eyck e Van der Weyden. No ano 1484 estableceuse en Bruxas e a súa produción estivo marcada dende entón polo estilo de Memling. Non obstante , afastouse do estilo frío e conservador para buscar a psicoloxía dos seus personaxes. Destacan as súas obras A árbore de Iexé, Xesús e a Nai de Deus, Os tres reis e Historias de Cambises e Sisamne. Na súa última época incorporou elementos italianos como en Santa Catarina e Bautismo de Cristo.

Cronoloxía