deleción

Mutación puntual na que se elimina un ou máis pares de bases na secuencia do ADN.

Aberración cromosómica que consiste na perda dun fragmento de cromosoma, que se orixina como consecuencia dunha desigualdade no entrecruzamento durante a meiose. Xeralmente é letal para os organismos diploides se a perda de material xenético é considerable. Nos organismos heterocigóticos para unha parella de alelos, ao existir unha deleción prodúcese o fenómeno da pseudodominancia. Tamén se denomina deficiencia cromosómica.