Desiderio/Desideria

Nome augural cristián tomado do substantivo latino desiderius ‘desexo’, que expresa o desexo da divina salvación ou proclama que o nacemento dese fillo fora longamente desexado (como Deogracias, do latín Deo gratias ‘deamos grazas a Deus’). Presenta o hipocorístico Xirelo para a forma masculina. Houbo varios santos con este nome: un bispo mártir de Langres (s V); un arcebispo de Besançon (s V); un arcebispo de Bourges (VI); e un bispo de Vienne (Francia), que morreu lapidado acusado de conspirar contra Brunilda. Tamén recibiu este nome o derradeiro rei dos longobardos (s VIII). A súa festividade celébrase o 25 de marzo e o 23 de maio.