detector -ra

Dispositivo ou aparato que se utiliza para detectar ou descubrir a presenza dunha determinada substancia ou fenómeno físico. En función da medida física da substancia ou o fenómeno, existen distintos tipos de detectores para as distintas magnitudes.

Dispositivo sensible ás correntes eléctricas de alta frecuencia que permite revelar a presenza de ondas ou de oscilacións radioeléctricas, e separar o sinal orixinal das modulacións para a obtención das informacións útiles. Chámase detector lineal se facilita un compoñente continuo proporcional á amplitude da oscilación sinusoidal que se lle aplica; cando a compoñente é proporcional ao cadrado desta amplitude chámase detector cuadrático, e se o detector se utiliza para separar a oscilación portadora e o sinal modulante, coñécese co nome de desmodulador. Un tipo especial de detector é o detector de relación, que se emprega en FM, tanto en radio como en TV, e que converte as variacións de frecuencia en variacións de amplitude.

fotodetector.

Aparato que se utiliza para detectar a presenza de gases tóxicos ou inflamables. Un exemplo é o detector de grisú, que detecta e determina a presencia e a porcentaxe deste gas no aire dunha mina. Antigamente, utilizábanse paxaros como detectores dos gases tóxicos, posto que advertían, coa súa morte, da presenza do gas.

Dispositivo inventado polo inspector de policía de Chicago L. Keeler que rexistra as reaccións emocionais dunha persoa, o ritmo respiratorio, as pulsacións, a presión sanguínea e a resistencia eléctrica da pel, ante as preguntas que se lle formulan. Tales valores varían mentres a persoa sofre unha tensión emocional asociada á mentira. Utilízase sobre todo nos interrogatorios policiais.

Instrumento utilizado para detectar obxectos metálicos ocultos, tales como moedas, cables eléctricos, minas ou armas, mediante a modificación da indutancia dun sensor pola presenza do obxecto. Emprégase nos bancos ou nos aeroportos por razóns de seguridade.

Aparato ou dispositivo que permite rexistrar a presenza de partículas de núcleos e evidenciar a súa enerxía.