Devereux, Robert

Militar e cortesán inglés, segundo conde de Essex. Participou en numerosos conflitos bélicos e destacou en combates nos Países Baixos (1585). Converteuse no favorito da raíña cando volveu a Inglaterra, despois da morte de Leicester, e conservou o seu favor malia o seu matrimonio coa viúva de sir Philip Sidney (1590). Foi nomeado membro do Consello Privado (1593) e dirixiu as forzas inglesas no ataque e na conquista de Cádiz (1596); sen embargo, despois do fracaso da expedición contra Os Açores (1597) perdeu poder na corte e se enfrontou co ministro Cecil. Fracasou ao tentar someter a rebelión de Irlanda (1599) establecendo un acordo sen autorización. Foi xulgado e confinado, perdendo ademais os seus cargos. Desesperado, encabezou unha rebelión contra a raíña (8.2.1601), que fracasou, o que provocou a súa posterior execución por traizón.

Cronoloxía