diagrama

Representación gráfica dun fenómeno, dunha lei ou da distribución das partes dunha cousa.

Representación gráfica que se traza xeralmente nun plano, dotado duns eixes de coordenadas co fin de ilustrar a relación existente entre dúas cantidades variables, unha delas pode considerarse como a función da outra.

Representación gráfica na que se relacionan variables que inciden no tempo atmosférico, tomadas nun período e nun territorio concretos, e que permite caracterizar o clima dese territorio.

Representación gráfica dunha variable estatística, xeralmente discreta, na que aparecen os valores da variable xunto coa súa frecuencia relativa, representada en forma de barra ou segmento de lonxitude proporcional a dita frecuencia. Tamén recibe o nome de gráfico de barras.

Representación gráfica na que as unidades esenciais dun sistema, frecuentemente electrónico, se trazan en forma de rectángulos ou bloques, e a súa interacción se representa por liñas que unen estes bloques.

Representación gráfica que mostra a relación entre as fases sólida, líquida e gasosa ao modificárense unha serie de condicións como a temperatura ou a presión. Permite determinar os cambios que se producen nelas ao ser modificadas. Ten aplicación no estudo de aliaxes, mesturas salinas ou disolucións salinas.

Representación gráfica da secuencia de operacións constitutivas dun proceso. Utilízanse símbolos normalizados para representar as distintas operacións e unidades de equipo, e liñas e frechas para representar as correntes entre os diferentes subsistemas. En ocasións, incorpóranse á representación os valores das variables características das distintas correntes e subsistemas.

Representación gráfica de todas as forzas que actúan sobre un corpo ou un sistema de partículas materiais. Cando este corpo é practicamente indeformable, o diagrama denomínase diagrama do sólido libre, feito que permite establecer as condicións de equilibrio.

Representación gráfica que mostra a variación do punto de ebulición e da composición do vapor dunha mestura de dous líquidos ao variar a composición da mestura líquida de partida.

Representación gráfica formada por un círculo no que cada sector corresponde a unha modalidade e as porcentaxes son proporcionais á superficie do sector. Tamén reciben o nome de gráfico de sectores ou diagrama circular.

Gráfico da simetría da flor e do número e a posición das pezas florais.

Representación gráfica da disposición das follas.

Representación gráfica do estado termodinámico do fluído no cilindro dun motor endotérmico, que se obtén mesturando a súa presión en función da curva do pistón. A curva resultante é pechada e a superficie que limita proporcional ao traballo efectuado.

Gráfico que relaciona a partir dun eixe de abscisas e ordenadas as curvas que describen as temperaturas medias mesuais (medidas en °C), rexistradas ao longo dun ano nun observatorio meteorolóxico concreto coas precipitacións mensuais (medidas en mm) recollidas nese mesmo período e lugar. A simple observación das curvas permite saber se nalgún mes do ano houbo déficit hídrico nos solos, fenómeno que se traduce no cruzamento de ambas, é dicir, cando a temperatura é elevada (consecuencia dunha grande insolación e, xa que logo, dunha alta potencialidade de evaporación da auga) e as precipitacións escasas.