Diario de Sesiones de las Cortes Españolas

Publicación regular das actas e do diario de sesións do Congreso de los Diputados e do Senado. En 1869 decidiuse editar as actas e os diarios existentes desde a Asemblea de Baiona (1808). A compilación non foi completa, pois das lexislaturas de 1813 e 1814 só existían as actas das sesións. A súa evolución vai parella á da evolución constitucional de España. Durante a Guerra Civil, publicouse no Diario de Barcelona, desde finais de 1937. Despois continuou durante as cortes franquistas e trala promulgación da Constitución de 1978.