Díaz de San Buenaventura, Francisco

(Monforte de Lemos? 1638 - Araceli, Roma 3.10.1728) Filósofo, teólogo e escritor. Membro da orde franciscana, foi lector de teoloxía nos conventos de Santiago de Compostela e Oviedo, e de vésperas en Salamanca (1683), padre da Provincia, definidor xeral e predicador da orde e do Rei Carlos II, cualificador da Suprema, comisario xeral de misións en Roma, consultor da Congregación del Índice y Ritos, procurador da orde na curia romana, teólogo e conselleiro do Emperador Leopoldo de Alemaña e teólogo do cardeal de Medici. Publicou, entre outras obras, Panegyris de S. Bonaventura (1678), Hymni tres in laudem eiusdem Seraphici ac S. Doctoris (1678) e Frutus Arboris Seraphici (1723).