Dioscórides Pedanio

Médico grego. Viviu e elaborou a súa obra durante o goberno de Nerón (54-68). Foi médico da armada romana en tempos de Claudio e Nerón. Estas circunstancias déronlle a oportunidade de viaxar e coñecer moitas provincias do Imperio Romano. A súa obra Peri hylesiatrikes (De materia médica), constitúe un tratado básico de farmacopea. De obrigada consulta en todo o mundo grego, latino e­ árabe dende o século II ata a Idade Moderna, influíu decisivamente na Idade Media, principalmente na medicina islámica e na renacentista. Baséase, ademais de na experiencia do autor como profesional, nos coñecementos anteriores, concentrados arredor de Alexandría. Nesta obra descríbense máis de 600 especies de plantas, 90 minerais e 30 produtos procedentes de animais; cada un deles reprodúcese por medio dun debuxo, acompañado dunha descrición das súas propiedades terapéuticas.

Cronoloxía