distinción
(< latdistinctĭōne)
-
s
f
-
Acción e efecto de distinguir ou distinguirse.
Ex: Hai unha clara distinción entre uns viños e outros.
Confrontacións: diferenciación. -
[FILOS]
Diferencia entre dous ou máis seres, realidades ou dimensións do real, en virtude de que unha cousa non é a outra, ou ben non se considera que o sexa. Moi relacionado co problema da división, espertou o interese do pensamento grego e da escolástica. Esta última estableceu dous tipos de distinción: real, entre cousas realmente distintas, e de razón, puramente mental. Posteriormente, admitiuse tamén a división entre distinción absoluta, referida a cousas nas que non hai ningunha relación entre a cousa e o modo, e distinción modal, entre unha cousa e o seu modo. Diferenciouse tamén entre distinción adecuada, entre partes que son á vez todos, e de distinción inadecuada, entre un todo e algunha das súas partes.
-
-
s
f
Calidade das persoas ou cousas que destacan pola súa elegancia e refinamento.
Ex: Vese a súa distinción na delicadeza coa que decorou o salón.
-
s
f
Consideración ou tratamento especial que se lle fai a unha persoa.
Ex: Alí sempre foi tratado con moita distinción.
-
s
f
Premio ou recoñecemento que se lle concede a alguén e que o distingue dos demais.
Ex: Os mellores cadros obtiveron distincións. Outorgáronlle unha distinción honorífica como galardón ós seus méritos militares.