Dramaten

Teatro Real de Estocolmo, fundado en 1788 polo Rei Gustavo III para a representación de obras de autores suecos. Despois de utilizar diferentes emprazamentos, en 1843 trasladouse a unha sede permanente. En 1907 ocupou o edificio actual, onde mantén abertas varias salas para presentar espectáculos de diverso formato. No seu reperorio habitual figuran os nomes de dramaturgos tan destacados como Henrick Ibsen, August Strindberg, Bertolt Brecht ou Eugene O’Neill, e, entre os seus directores, cómpre subliñar a Per Lindberg, Olof Molander, Alf Sjôberg e Ingmar Bergman.