eduo -dua

Relativo ou pertencente aos eduos.

Individuo do pobo celta dos eduos.

Pobo celta que habitaba na Galia entre os ríos Loire e Saône, na rexión de Borgoña. As súas principais cidades foron Bibracto, Cabillorum e Nivernum. Aliados dos romanos, que os axudaron contra os alóbroxes e os arvernos (121 a C), durante a Guerra das Galias colaboraron con Xulio César, ata que se sumaron á revolta de Vercingetorix e foron vencidos polos romanos (51 a C). Convertéronse nunha das civitas federadas ao redor das que César organizou a Galia.