Ehrenfels, Christian

Filósofo austríaco. Licenciouse na Universidade de Viena (1888), e foi discípulo de Franz Brentano e Alexius Meinong. Formulou a teoría da Gestalt, coa que afirmou que a mente pode percibir o todo por riba dos seus compoñentes. Tamén se interesou pola psicoloxía, con posicións achegadas á Gestalt, e pola ética, disciplina na que intentou establecer unha gradación de valores. Cómpre subliñar as súas obras Über Gestalt Qualitäten (Das calidades da Gestalt, 1891), System der Wertheorie (Sistema de teoría dos valores, 1897) e Grundbegriffe der Ethik (Conceptos fundamentais de ética, 1907).

Cronoloxía