Eijkman, Christiaan

Médico neerlandés. Estudiou na Escola Médica Militar da Universidade de Amsterdam e acadou o título de doutor en 1883. Foi médico militar nas Indias Occidentais e director do Instituto de Patoloxía de Batavia. Discípulo de Robert Koch, dirixiu as súas investigacións cara ao eido da bacterioloxía e da anatomía patolóxica. Os seus amplos estudios do beriberi, enfermidade epidémica moi estendida por todo o S de Asia, permitíronlle posteriormente a Frederick Hopkins determinar que a causa desta enfermidade era a falta de vitamina B₁. En 1929 compartiu o Premio Nobel de Medicina e Fisioloxía con F. G. Hopkins polas súas investigacións no campo das vitaminas.

Cronoloxía