Elche de la Sierra

Municipio da provincia de Albacete, Castela-A Mancha, situado na marxe esquerda do río Segura, que forma o límite meridional do municipio (4.010 h [1996]). A súa economía baséase principalmente na agricultura e na gandería. Os xacementos de Cuevas Blancas e Loma del Mojón amosan pegadas do Calcolítico e o poboamento de La Muela da Idade do Bronce. Do seu patrimonio cultural destacan a igrexa de Santa Quiteria, da que sae a procesión o domingo seguinte ao xoves de Corpus, declarada de Interese Turístico Rexional.