Elzevir Elzevier

Familia de impresores e libreiros neerlandeses famosa polas súas edicións, moi estimadas tanto pola súa impresión como pola calidade do papel empregado e a beleza dos tipos, que foron gravados e fundidos por Christoffel van Dijck. Lodewijk Elzevir , o primeiro que formou estes obradoiros tipográficos, era orixinario de Louvain. Estableceuse en Leiden en 1580 e dedicouse ao comercio do libro; as súas obras levan a divisa Concordia res parvae crescunt. A súa primeira obra destacada foi Hebraicae Quaestiones et Responsiones (1583). Os nomes dos seus fillos, Matthijs e Bonaventure , aparecen asociados a dúas obras de Stevin: Fortification e Castrometation. Foi Isaac quen imprimiu, en 1616, tres obras que levan, baixo o título, o nome do seu avó Lodewijk Elzevir e, na fin, o seu typis Isaaci Elzivirii; a última obra que imprimiu foi Hymmus Tebacci (1628). De Jacob , tamén fillo de Matthijs, coñécese a Table des Sinus. Bonaventure e o seu sobriño Abraham formaron unha sociedade que durou vinte e oito anos. De entre as obras que saíron das súas prensas coñécense: Utopia de Thomas Morus, Pietra del Paragone, Secretaria di Apollo di Boccalini, e, especialmente, Blessebois, Raggionamienti e Puttana errante. No ano 1652 asociáronse Johann , fillo de Abraham, e Daniël , fillo de Bonaventure, e imprimiron diversas obras, das que destaca A imitación de Cristo, unha das máis perfectas. En 1655, Daniël separouse de Johann e asociouse ao seu curmán Lodewijk , fillo de Isaac, e imprimiron un gran número de obras, ata a morte de Lodewijk.