emir

Príncipe, xefe militar ou gobernador nos países islámicos. Na súa orixe designaba o líder dos musulmáns e coa aparición do sultán empregouse para designar os descendentes de Mahoma, os príncipes e oficiais do exército e os gobernadores de provincias que tiñan mando sobre as tropas. Entre as súas atribucións incluíanse a organización das tropas e o mantemento da disciplina, a supervisión da moeda e os impostos, e a vixilancia do establecemento do Islam nos países conquistados. Posteriormente, os xefes das tribos turcas adoptaron este título.