empregado -da

de empregar ou empregarse.

Traballador a soldo nun servizo público ou administrativo, no comercio ou noutras ocupacións que sexan consideradas como non obreiras. O termo introduciuse para diferenciar os traballadores manuais e os industriais (chamados obreiros) dos que non o son, e equivale á expresión inglesa white collar (‘colo branco’), que alude á vestimenta que adoitaba diferenciar os outros asalariados dos obreiros.