encefalite

Enfermidade inflamatoria do encéfalo causada xeralmente pola invasión dun virus ou doutro xerme no tecido cerebral, ou tamén por unha reacción de hipersensibilidade. Se ademais do encéfalo tamén está afectada a medula espiñal, prodúcese o que se coñece co nome de encefalomielite. O número de axentes víricos causantes é moi alto, pero destacan, sobre todo, o grupo dos herpesvirus.