enterite

Proceso inflamatorio do intestino, especialmente do intestino delgado, que se produce por diversas causas: infecciosas, tóxicas, parasitarias, etc. A miúdo acompáñase dunha afección do estómago, e constitúe unha gastroenterite, ou do intestino groso, co que constitúe unha enterocolite. A enterite pode ser aguda ou crónica, e os seus síntomas máis frecuentes son diarrea, febre, deshidratación ou dores abdominais.

Enfermidade inflamatoria crónica do intestino delgado, sobre todo da parte final do íleo, pero que ás veces pode afectar ao colon, como na colite granulomatosa, e a outras zonas do tracto gastrointestinal. A súa causa é descoñecida. A lesión inflamatoria afecta a todo o groso da parede do intestino e determina a formación de granulomas e úlceras e, máis tarde, de fibrose. Tamén recibe o nome de ileíte terminal ou rexional e enfermidade de Crohn.