Enxergo

Grupo de teatro creado e dirixido pola profesora Eva Campo en Ferrol en 1983 e vinculado ao Instituto de Bacharelato Sofía Casanova. É un exemplo das posibilidades educativas e socioculturais do teatro escolar. Entre os seus espectáculos máis destacados cómpre sinalar A casa de Bernarda Alba, sobre o texto homónimo de Federico García Lorca; A comedia da Oliña, a partir da peza de Plauto; Pic-Nic, con textos de Fernando Arrabal ou Viva o Duque noso amo!, sobre unha comedia de José Luís Alonso de Santos.