epifragma

Tabique formado na boca da cuncha dalgúns gasterópodos, orixinado a partir de secreccións mucosas que se endurecen en contacto co aire. Ten como función illar en certa medida o animal do medio e evitar, por exemplo, a súa desecación.

Diafragma ou membrana circular disposta en posición horizontal sobre a boca da cápsula dalgúns brións.

Membrana, amodo de tapadeira, que posúen os basidiocarpos novos dalgúns fungos.