epílogo

Última parte dun discurso ou peroración, na retórica grega, en que se fai a enumeración das probas e se trata de mover con máis eficacia que antes o ánimo do auditorio.

Escrito que aparece ao final dun libro como conclusión ou resumo.

Parte final da obra teatral que resume a trama. Entre os epílogos máis coñecidos da literatura dramática galega figura a breve escena coa que remata Os vellos non deben de namorarse, de Afonso Daniel Rodríguez Castelao.

Suceso que cambia o final doutro suceso anterior que se consideraba terminado.